NA.117: HAKUNA SWALI JIPYA, NA MAJIBU YOTE YAPO TAYARI!

. 117.Katika maswali yote tunayojiuliza siku zote ni muhimu kufahamu hakuna swali lililo jipya na majibu yake yote yapo tayari! Ni jinsi gani ya kuboresha uzungumzaji mbele ya jamii, jinsi gani ya kudumisha mahusiano na wengine, jinsi gani ya kukuza kumbukumbu – vitu vyote vya maendeleo binafsi vinapatikana vitabuni. Sasa basi ili ufanikiwe katika yote ni wajibu wako kusoma kila siku. Lakini katika ulimwengu wa sasa wa habari ni lazima usiwe na huruma juu ya nini unatumia. Lenga mwisho wake na soma vitu ambavyo unadhani ni rasilimali kwako mwisho wa siku. Usitake kusoma kila kitu huku ukizingatia unayo majukumu mengine ya kutekeleza, soma vile vya muhimu na achana na vile unavyodhani si vya muhimu kwasasa. Anza kusoma habari zilizo ngumu asubuhi ili mwisho wa siku uwe na muhtasari mzuri kwa siku nzima. Katika kusoma hakikisha unajiongeza ukilinganisha na mazingira yako. Mfano unataka kusoma mambo ya historia mbalimbali, biashara au falsafa za watu mbalimbali mashuhuri, habari za afya, n.k. tembelea maktaba na kujijengea mazoea ya kufanya hivyo mara kwa mara. Soma historia na mafunzo yake yote, soma bailojia kwa mtizamo mpya. Angalia vitabu au makala zenye kichwa “mafanikio” na utashangaa habari na mambo utakayo yapata: habari za kuvutia toka kwa watu mashuhuri waliofanikiwa kutoka katika mazingira yasiyoelezeka, mbinu mbalimbali za kujiimarisha wewe mwenyewe binafsi, kiakili na kiroho, na makala za kukuunganisha kwenye nguvu za mafanikio ambazo zipo katikati yetu. Jizamishe sana katika vitabu hivyo. Jijengee mazingira ya namna hiyo na soma wakati wote iwe katika basi au kabla ya kulala.